Gin-anunsyo ni US President Donald Trump, sa iya Truth Social post nga ang Iran nagpangabay sa Estados Unidos para sa isa ka ceasefire apang ang Washington maga-insister nga magasunod lamang sila kon ang Strait of Hormuz pagabuksan.
Suno kay Trump, “Ang Presidente sang Bag-o nga Rehimen sang Iran, nga indi tanto ka Radikal kag mas maalam kumpara sa iya mga ginsundan, nagpangabay lang sa Estados Unidos sang Amerika para sa CEASEFIRE!.”
Apang, hugot nga ginpanghiwala sang Iran ang pahayag ni Trump. Suno sa isa ka spokespersom sang Ministry of Foreign Affairs sang Iran, ang alegasyon sang ceasefire request isa ka butig kag wala sang basehan.
Matandaan nga ang bag-o nga Supreme Leader sang Iran, amo si Mojtaba Khamenei, nga nagbulos sang napatay ang iya amay sa isa ka air strike sang nagligad nga bulan.
Dugang pa ni Trump nga ikonsiderar sang Estados Unidos sang Amerika ang ceasefire kon ang Strait of Hormuz “open, free, and clear”, apang sa subong nagapadayon ang operasyon batuk sa Iran.
