Liwat nga naghatag sang paandam si US President Donald Trump sa Iran samtang nagalala ang tensyon angut sa pagbukas sang Strait of Hormuz.
Sa isa ka post, ginpahayag ni Trump nga may posibilidad sang mass disaster kun indi matuman ang interim agreement.
Suno kay Trump “A whole civilization will die tonight, never to be brought back again. I don’t want that to happen, but it probably will,”
Dugang pa niya, nagalaum siya nga ang posible nga pagbag-o sa liderato sang Iran ang makahatag sang positibo nga resulta.
Ginhatagan man ni Trump sang ultimatum ang gobyerno sang Iran nga magpasugot sa ceasefire, nga magalakip sang pagbukas sang Strait of Hormuz.
Liwat man sini nga ginpahog kag gintumod sa isa sini ka post nga ang Martes nga adlaw bilang “Power Plant Day” kag “Bridge Day,” nga iya ginklaro nga matabo alas-8 sang gab-i (Eastern Time) ukon alas-8 sang aga subong nga adlaw sa Pilipinas.
Samtang, indi naman mag-isol ang Iran kag preparado sila sa tanan nga posibilidad sa gyera batok sa Israel kag sa Estados Unidos sang Amerika.
Suno kay First Vice President Mohammad Reza Aref ang paandam ni US President Donald Trump ang possible nga makapatay sang bug-os nga sibilisasyon sang Iran kun maglampas ang pungsod sa iya ginhatag nga deadline kag indi makignegosyar .
Apang gin-athag ni Aref, nga na-finalize na nila ang tanan nga tikang nga himuon sa kada senaryo pananglitan mag-atake na ang duha ka pungsod.
Dugang sini nga wala sang bagay ukon paandam nga wala nila napreparahan.
