Gin-anunsyo ni US President Donald Trump nga temporaryo nga pagadumalahan sang Estados Unidos ang Venezuela matapos nga gindakop si Venezuelan President Nicolas Maduro.
Suno kay Trump, ang tikang himuon tubtob matigayon ang isa ka luwas, husto, kag matarong nga transisyon sang pagpapungko sa Venezuela.
Dugang pa niya, ginapaabot nga kay-uhon sang mga kompaniya sang langis sa Amerika ang naguba nga imprastraktura sang pungsod kag pabaskugon liwat ang iya ekonomiya.
Ginpamatud-an man sang US President nga wala sang napatay nga Amerikano nga soldado sa ginpahayag nga operasyon kag ginsiguro nga handa ang Estados Unidos nga magpatigayon sang ikaduha kag mas dako pa nga airstrike kon kinahanglan.
Una nga ginpaambit ni Trump ang isa ka litrato nga ginpahayag niya nga nagapakita kay Maduro nga naga sakay sa USS Iwo Jima, nga makit-an nga nakatabon ang mata kag may suksok nga ear defenders.
Samtang, nagapangatubang si Maduro sang mga kaso nga may kaangtanan sa droga kag armas sa New York.
Ginpasalamatan man sang US Attorney General si US President Donald Trump kag ang US military, nga nagpatuman sang iya ginsiling nga isa ka makatilingala kag madinalag-on nga misyon agud madakpan ang duha ka ginaalegar international narco traffickers.
