Gin-aresto sang kapulisan sa Los Angeles ang award-winning rapper nga si Lil Nas X.
Suno sa mga otoridad, nagrespondi sila sa tawag matapos nakit-an ang isa ka lalaki nga nagalakat sa Ventura Boulevard nga nakasuksok lang sang underwear.
Sang nag-abot ang mga kapulisan, nakita nila ang rapper kag gindakop siya bangud nga nagbato ini.
Suno sa tigpamaba sang Los Angeles Police Department (LAPD) nga si Charles Miller, gindala siya sa ospital bangud sa posible nga overdose.
Sa video nga nag-viral, makita ang rapper nga nagasaot nga naka-underwear kag cowboy boots, nga naga-agda sa mga tawo nga mag-upod sa iya.
Natawo sa Montero Lamar Hill, nangin una siya nga openly gay nga nakabaton sang Country Music Association award para sa iya kanta nga Old Town Road sang 2019
