Nagapangatubang sa karon sa kaso nga kriminal ang isa ka vlogger nagikan sa Cebu matapos nga nagpalapta sang video sang isa ka sumbaganay sa sulod sang isa ka pampasahero nga bus kag ginpaguha ini bilang snatching incident.
Suno kay Police Regional Office 7 Director PBGen. Redrico Maranan, nag-viral sa mga social media platforms ang nasambit nga video sang Hulyo matapo ini nga gin-share sang isa ka media outlet sa isa sa ila nga social media pages.
Kasunod sini, gilayon nga naghulag ang mga kapulisan kag nagpatigayon sang imbestigasyon kun sa diin nahibaluan nga indi sang snatching incident ang natabo kag isa lang ka away bangud sa pagtikludanay sa sulod sang bus.
Bangud sa pagkadiskubre, gilayon nga nag-file sang kaso ang mga kapulisan batok sa vlogger bangud sa pagpalapta sang mga sala nga impormasyon kag fake news nga nagtuga sang kahadlok sa kadam-an.
Samtang, nagpaandam si Maranan sa publiko nga nagaplano nga maggamit sang social media para magpalapta sang fake news nga ang mga kasubong nga aksyson ang may nagakaigo nga penalidad kag panumbungon.
Nagpahanumdom man ang opisyal sa publiko nga mangin mausisa sa pag-share kag mangin vigilante sa mga impormasyo nga nagakabasa sa internet para malikawan nga mabiktima sang misinformation kag fake news.
