Ginpahayag ni Commission on Elections (COMELEC) Chairman George Erwin Garcia nga mas pagabantayan nila ang posible nga pagbakal kag pagbaligya sang mga boto subong nga nagsulod na ang local campaign period.
Suno kay COMELEC Chairman Garcia, ginalauman nila nga mas magadamu pa ang mga kasubong nga klase nga reports subong nga nagsulod na ang panahon sang pagpangampanya sa lokal nga lebel. Dugang pa sini nga sa karon wala pa sang nabalhag nga naulamid ang national candidates.
Pagsiguro sini nga ang tanan nga reports nga mapasa sa komisyon ang gilayon nila nga pagaaksyunan kag imbestigaran.
Kun kinahanglan nga madiskwalipika kag makasuhan ang kandidato nga napamatud-an ang iya ginhimo, handa ang poll body nga himuon ini.
Ang Committee on Kontra-Bigay sang poll body ang nagapanguna sa pagbantay pag-abot sa mga vote-buying kag selling subong nga panahon sang pagpangampanya.
