Nagkainitan si Senadora Risa Hontiveros kag Vice President Sara Duterte sa Senado samtang ginausisa ang panukalang pambansa nga pondo para sa masunod nga tuig sang Office of the Vice President (OVP) nga nagabalor sang 2.037 billion pesos.
Sa hearing sang Committee on Finance, ginpuna ni Hontiveros ang mga proyekto nga gusto pondohan sang OVP nga kun sa diin ginahimo na sang pila ka ahensya sang gobyerno.
Kalakip diri ang medical and burial program nga kaangay sa programa sang Department of Health (DOH) kag Assistance for Individual in Crisis Situation (AICS) sang Department of Social Welfare and Development (DSWD).
Samtang, ginpamangkot man ni Hontiveros ang ginlunsyar ni VP Sara nga isa ka libro nga may titulo nga “isang kaibigan” kun sa diin may nakabutang nga pangalan sini sa atubang nga parte sang libro.
Depensa sang bise presidente, napopolitika ang pondo halimbawa na lang nga kun maghinyo suno diri sila sa DSWD sang AICS, masami nga ginsababat nga indi pwede bangud halin sa OVP nga kaangay nga ginakabig kontra.
Nagakabalor sang 10 milyon pesos ang igahatag nga pondo diri rason nga ginapapaathag sang senadora ang bise presidente sa programa nga ini nga igapanagtag sa isa ka milyo nga mga estudyante sa remote communities.
Diri nag-init si VP Sara kag nagpahayag nga isa halimbawa sang “politicizing” ang pagpamangkot ni Hontiveros.
Sabat ni Hontiveros, simple lang ang pamangkot sini tuhoy sa libro nga igapanagtag sa mga bata apang, ngamanpabalik-balik nga ginapahayag sang bise presidente ang tinaga nga “politicizing”.
Diri na man nag-init si Hontiveros kag nagpahayag nga indi maayo ang ginpakita nga batasan ni VP Sara
Gintapatan man ni VP Sara ang pahayag ni Hontiveros kag ginpahayag man nga wala sini naluyagan ang batasan sang senadora kag nagsumbat ini nga ang mamlidha ang una nga nagbuhi sang tinaga sa iya amay nga si anay presidente Rodrigo duterte matapos magdaog sa eleksyon sa pihak sang pagbulig suno diri sini nga mangampanya kag makakuha sang boto sa ila nga lugar sa Davao City.
Kaangay nga nangin referee naman sa nangin bangayan sang duha si Senadora Grace Poe nga chairman sang Committee on Finance kag siya man ang nagpamangkot kun natuhoy sa kun ano ang amo nga libro nga ginsabat naman ni VP Sara nga ang paathag sini ang yara sa titulo sang libro nga “Isang kaibigan” nga tuhoy sa friendship ukon pag-abyanay.
Apang, gin-refer na sa plenaryo sang Senado ang panukala nga pambansang pondo sang OVP para sa masunod nga tuig.
