Nagapanawagan sang pangamuyo si VP President Sara Duterte para sa kaluwasan sang mga Overseas Filipino Workers (OFWs) nga naipit sa tensyon sa Middle East, kadungan sang pag-obserbar sang pungsod sang Semana Santa.
Sa ginpaguwa nga mensahe ni Duterte subong nga adlaw, ginbag-o sini ang sentro sang iya mensahe para sa Kwaresma paagi sa paghatag sang importansya sa sitwasyon sang mga mamumugon nga Pilipino sa luwas sang pungsod.
Suno kay Duterte, ini nga mga mamumugon nagapamatuod sang sakripisyo, gani hugot niya nga ginhingyo ang kalinungan para sa amo nga rehiyon nga padayon nga naga-eksperyensya sang kinagamo.
Ginpahanumdom man sini nga ang Kwaresma isa ka sagrado nga bahin sang pagka-Pilipino—isa ka tion sa pagpamalandong sa sakripisyo sang Dios kag pag-istar sa pag-alagad sa isigkatawo.
Partikular nga gintumod sang iya panawagan ang kondisyon kag seguridad sang mga Pilipino nga nagapangabuhi sa guwa sang pungsod.
Magluwas sa kaayuhan sang mga OFWs, nagpanawagan man si Duterte sa publiko nga ipangamuyo ang Pilipinas agud ini ang pagagamhan nga may tampad, hustisya, kag pag-ulikid. Nagalaum ini nga ang tagsa ka pumuluyo magatalupangod sang kaayuhan sang pungsod subong nga Lenten Season.
