Tatlo ka magkatuhay nga impeachment complaint na ang gina-atubang ni VP Sara Duterte.
Ini matapos ginpasaka sang mga relihiyoso nga grupo kag mga abogado ang ikatlo nga impeachment complaint sa talatapan ni House of Representative Secretary General Reginald Velasco kahapon, Disyembre 19.
Sa pagpanguna ni Atty. Amando Virgil Ligutan, abogado sang mga tagreklamo ang nagsumiter sang amo nga reklamo.
Suno kay Ligutan, ang kaangay nga reklamo ang gin-endorso ni Camarines Sur Rep. Gabriel Bordado kag House Deputy Minority Leader kag AAMBIS-OWA party-list Rep. Lex Anthony Colada.
Base sa kopya sang reklamo nga ginpresentar sa media, ang basehan ukon basehan sang ila impeachment complaint nga ginpasaka batuk sa Bise Presidente amo ang culpable violation sa Konstitusyon, bribery, graft and corruption kag pagluib sa pagsalig sang publiko.
