-- ADVERTISEMENT --
ROXAS CITY, CAPIZ- Nangin madinalag-on kag nagpauli sang madamo nga mga gold, silver kag bronze medals ang mga taekwondo players sang Venancio Taekwondo Academy sang Roxas City, Capiz nagikan sa duha ka adlaw nga kompetisyon sang The 8th Heroes International Taekwondo Championship nga ginhiwat sang Agosto 9-10, 2025 sa Chon Buri, Pattaya City, Thailand.
Sa interview sang Bombo Radyo sa ginakabig nga 8heroes kalakip na ang isa man ka representative sa Regional Level nga ginakalakipan nanday; Chleann Levi Robles, Kenn Mae Wahing, Corlen Benedict Sta. Ana, Merishka Rain Ablao, Thea Mae Del Rosario, James Niño Venancio, Kenshin Wahing, Schienzy Robles kag Marms Syrell Deocampo, ila ginpakigbahin ang mga kadalag-an nga ila napagkit sa amo nga kompetisyon.
Suno sa ila, indi mahapos ang mga trainings apang kun tutukan ini madasig lang ini nga makuha kag matun-an.
Malipayon sila nga ginpakigbahin ang ila sini napauli nga mga medalya, sa diin nga nakapauli si Chleann Levi Robles sang Gold Medal sa Kyorugi, Silver Medal sa Pomsae Pair, kag Bronze Medal sa Team Pomsae; si Kenn Mae Wahing nakapauli sang Gold Medal sa Individual Pomsae, Silver Medal sa Pomsae Pair, Bronze Medal sa Team Pomsae, kag Silver Medal sa Kyorugi; si Corlen Benedict Sta. Ana nakapauli sang Silver Medal sa Pomsae Mixed Pair, kag Bronze Medal sa Individual Pomsae; si Merishka Rain Ablao nakapauli sang Bronze Medal sa Individual Pomsae, Mix Pair Pomsae, kag Team Pomsae; si Thea Mae Del Rosario nakapauli sang Bronze Medal sa Mix Pair Pomsae, Team Pomsae kag Freestyle; si James Niño Venancio nakapauli sang Gold Medal sa Individual Pomsae, Team Pomsae kag Silver sa Kyorugi; si Kenshin Wahing nakapauli sang Gold sa Team Pomsae, Bronze sa Individual Pomsae kag Kyorugi kag si Schienzy Robles nakapauli sang Gold Medal sa Individual Pomsae kag Team Pomsae, kag Silver Medal sa Kyorugi. Samtang, nakapauli naman sang Silver Medal sa Kyorugi sa Regional Level nga ginhiwat sa Antique.
Pahayag pa sang mga ini, ang amo nga kadalag-an ang indi nila nga nakuha kun wala ang suporta sang tagsa nila ka mga ginikanan kag kun wala sa pag-alalay sang ila nga coach. Isa man ini suno sa ila sa pamaagi nga mangin mabakod sila kag handa sa pila ka mga masunod pa nga mga kompetisyon.
In an interview with Bombo Francis Biñas & Bombo Sunnie Mae Batencila
