Wala sang balayran para sa graduation ukon sa enrolment sa DEPED – Dr. Aposin

ROXAS CITY – Ginklaro sang Capiz Schools Division Superintendent, nga wala sang balayran ang nga ginikanan sa graduation ukon sa enrolment, sa idalom sang DepEd.

Ini ang ginpahayag ni Dr. Miguel Mac Aposin, sang mainterview sang Bombo Radyo.

Suno diri, libre ang pagtulon-an sa idalom sang programa sang gobyerno pinaagi sa Department of Education (DepEd).

Kun may yara man sang ginpreparar nga handaan sa moving-up ceremony ukon graduation, ina ang gugma ukon boluntaryo nga hatag sang ginikanan.

Nagpalab-ot man sang pagpanamyaw si Aposin sa mga naggradwar subong nga school year 2021-2022.