PANAY, CAPIZ — Naaresto sang Panay Municipal Police Station ang Walo ka mga mangingisda sa apat ka asud-asod nga operasyon batuk sa illegal nga pagpangisda sa baybayon sang Panay.
Base sa impormasyon halin sa Panay MPS, nadakpan sa akto ang mga suspek samtang nagagamit sang ilegal nga pamaagi sa pagpangisda nga kilala sa ngalan nga “Patuloy.”
Narekober sang mga otoridad ang apat ka pump boat, mga motor engine, fishing nets nga kompleto sang kagamitan, kag mga isda nga ginatimbang sa masobra pulo ka kilo.
Ginabulubanta nga naglab-ut sa ₱378,000 ang kabug-osan nga kantidad sang mga nasakmit nga kagamitan kag isda.
Sa subong, temporaryo nga yara sa kustodiya sang MENRO-LGU Panay ang mga nadakpan lakip na ang mga ebidensiya para sa nagakaigo nga disposisyon.
