Indi magnubo sa walo ka mga Palestinian ang napatay sa panibag-o nga airstrike sang Israel sa Gaza.
Suno sa report, Apat sa mga biktima ang napatay sa isa ka pag-atake sa syudad sang Khan Younis.
Samtang, apat pa ka mga Palestinian ang napatay matapos ginbombahan sang pwersa sang Israel ang isa ka tent nga puluy-an sang mga residente sa lugar sang al-Faluja sa naaminhan nga bahin sang Gaza.
Ang pag-atake natabo sa pihak sang ginatawag nga “Yellow Line,” kon sa diin nahamtang ang mga tropa sang Israel sa Gaza.
Sa subong, wala pa sang pahayag gikan sa bahin sang Israel angut sa insidente.
Nahibaluan nga sugod sang ginpatuman ang ceasefire masobra 1,500 ka beses na nga ginlapas sang Israel kag indi naman magnubo sa 591 ka tawo ang ginreport nga napatay kag 1,590 ang napilasan.
