ROXAS CITY-Nakarekord sang walo ka mga panibag-o nga kaso sang CoVid-19 ang syudad sang Roxas subong nga adlaw.
Sandig sa ginpaguwa nga Official Statement ni Roxas City Mayor Ronnie Dadivas, Ang mga nagpositibo sa COVID-19 ang ginalakipan sang mga masunod:
Case #109: 25 anyos nga lalaki, pumuluyo sang Brgy. Tanque, Roxas City. Nagatrabaho sa Capiz Provincial Capitol.
Case # 110: 34 anyos nga lalaki, pumuluyo sang Brgy. IX, Roxas City. Nagatrabaho sa isa ka pribado nga ospital.
Case # 111: 37 anyos nga lalaki, pumuluyo sang Brgy. Bolo, Roxas City. Close contact sang confirmed case. Ini isa ka asymptomatic.
Case # 112: 27 anyos nga lalaki, pumuluyo sang Sitio Tambak, Rizal Street, Roxas City. Close contact sang confirmed case. Ini isa ka asymptomatic.
Case # 113: 40 anyos nga lalaki, residente sang Legazpi, Ilaya. Nagpaidalum sa RT-PCR Test sang Agosto 27 kag nagguwa ang resulta Setyembre 10. Ini ang asymptomatic kag naga-quarantine sa gihapon.
Case # 114: Babayi, may diperensya sa paminsaron. Wala sang permanente nga puluy-an kag wala pamilya. Agosto 26 sini mga tuihsang nadiparahan nga malain ang pamatyagan. Siya guilayon nga guinpa-admit sa RMPH.
Samtang duha naman nga mga indibidwal ang ginbawian sang kabuhi antis pa man nag-abot ang resulta sang ila RTPCR Test.
Ini ang ginalakipan sang mga masunod:
ase # 115: 60 anyos nga babaye, pumuluyo sang Brgy. Baybay, Roxas City.
Wala sang travel history apang may pamilya nga nagasulod-guwa sa ila balay. Siya nagtaliwan sang Setyembre 7 kag gilayon nga ginpalubong. Ang iya pamilya lunsay ginpaidalum sa strict home quarantine samtang ginahulat ang iya resulta.
Case # 116: 80 anyos nga babaye, pumuluyo sang Barangay Cagay, Roxas City. Wala sang travel history apang may kapamilya nga nagaistar kag nagabisita sa iya. Nagtaliwan sang Agosto 27 kag gilayon nga gin-cremate. Ang iya close contacts padayon nga naga-quarantine kag wala sang nabatyagan nga sintoma sang sakit.
Sa karon, may 35 pa ka mga aktibo nga kaso ang syudad sang Roxas, 69 ka mga nakarekober kag 12 ang mga ginbawian sang kabuhi.
