Wanted nga babayi nga may kaso nga “Cyber Libel” ginhilway matapos nga nakapiyansa sa banwa sang Ivisan

ROXAS CITY -Ginhilway sa kustodiya sang Ivisan Municipal Police Station ang 28-anyos nga babayi matapos nga ginserbehan sang warrant of arrest sa Barangay Lawaan Roxas City.

Ginkilala ang wanted sa kay Joyce Valderas, 28-anyos residente sang Barangay Malocloc Norte, Ivisan Capiz.

Suno sa Ivisan Municipal Police Station, Kaso nga Cyber Libel ang ginpangatubang ni Valderas sa diin ang warrant of arrest sini ang gin-issue kag ginpirmahan ni Hon. Presiding Judge Esperanza Isabel Poco-Deslate sang RTC 6^th Judicial Region Branch 19, Roxas City Hall of Justice.

Matapos nga gin-aresto sang mga kapulisan, gilayon man nga ginreles sa kustodiya sang mga kapulisan matapos nga nakabayad sang P10,000 nga piyansa.