Natalana nga pasidunggan sang Department of Labor and Employment (DOLE Region 7) ang wing van driver nga si Francis Anthony Narvasa, nga nakakas sa trabaho matapos gingamit ang salakyan sang iya nga kompanya agud luwason ang mga biktima sang pagbaha sa Barangay Cotcot, Liloan, Cebu samtang naga-igo ang Bagyo Tino.
Ginsiling sang DOLE nga paga-imbestigaran nila ang tag-iya sang van bangud kaangay nga wala sang bastante nga rason agud kakason si Narvasa. Sa naglapta nga video, makit-an kun paano gingamit ni Narvasa kag sang iya nga duha ka mga kaupdanan ang wing van agud maluwas ang anom ka tawo nga gin-anod sang baha sang Nobyembre 4—nga gilayon nag-angkon sang mga pagdayaw halin sa publiko.
Suno kay Narvasa, isa ka pulis ang nagpangayo sa iya sang bulig rason nga wala ini nag-duha-duha. Sa pihak sini, ginapahayag nga wala maluyagan sang employer ang iya ginhimo rason nga ginkakas ini sa trabaho.
Gindayaw naman ni Cebu Governor Pamela Baricuatro ang pagiging baganihan ni Narvasa kag gilayon nga ginmando nga kuhaon ini bilang driver sang Cebu Provincial Capitol.
Natalana naman nga pasidunggan sang DOLE si Narvasa subong nga Disyembre kadungan sang anibersaryo sang ahensya. Suno kay DOLE 7 Regional Director Atty. Roy Buenafe, kinahanglan nga kilalahon kag hatagan sang padya ang kaalwan ni Narvasa, indi ka pagsilutan.
Kaupod man sa imbestigasyon sang DOLE ang pagbulig agud masigurado nga makuha ni Narvasa ang tanan nga benepisyo nga nagakadapat para sa iya halin sa anay niya nga ginaubrahan.
