Writ of amparo sang KOJC wala sang epekto sa manhunt operation batuk kay quiboloy

Wala sang bearing ang ginpasaka nga kaso sang pila ka sakop sang Kingdom of Jesus Chirst batuk sa mga opisyal sang gobyerno angut sa ginpatigayun nga pagpangita sang Philippine National Police (PNP) sa pugante nga si Apollo Quiboloy kag apat ka iban pa nga kapareho nga akusado sini.

Suno kay PNP PIO Chief PCol. Jean Fajardo, wala pa naman nga gin-isyu nga restraining order ang korte rason nga padayon sa gihapon ang ginahimo nga operasyon sang mga pulis para maserbi ang warrant of arrest batuk kay Quiboloy kag apat ka iban pa.

Dugang pa ni Fajardo, ginarespeto man sang kapulisan ang kinamatarung sang KOJC nga magpadulong sa korte kag handa naman ito sang sabton sang mga opisyal sang PNP sa tama nga venue.