Nagpakita liwat sang maayo nga performance ang West Visayas State University (WVSU)–La Paz, Iloilo City sa ginpatigayon nga August–September 2026 Philippine Nurses Licensure Examination (PNLE), matapos nga apat ka WVSU graduates ang nakasulod sa Top 10 nationwide.
Dugang pa gid, nakarekord ang WVSU–La Paz sang 100% passing rate, sa diin 89 sa 89 ka examinees ang nakapasar sa examination.
Sa ginpagwa nga resulta sang examination, yara sa Rank 6 si Criselynn Marie Balbon Dela Cruz, nga nakakuha sang 91.20% rating.
Samtang, rank 9 si LJ Orpheus Cagampang Soriano nga may 90.60% rating kag nag-share sa Rank 10 ang duha ka WVSU graduates nga sanday Paula Marie Berus Deloria kag GM Grace Hugos Garovillo, nga pareho nga nakakuha sang 90.40% rating.
Ang resulta nagapakita sang mataas nga performance sang mga nursing graduates sang WVSU sa national licensure examination.
Ini nagdugang sa notable nga performance sang unibersidad.
Para sa WVSU community, ang resulta nangin isa ka milestone bangud sa kombinasyon sang tatlo ka Top 10 finishers kag perfect passing rate sa amo nga examination.
