Magabaton sang P7,000 cash aid ang isa ka milyon nga mga mangunguma sa Pilipinas sa idalom sang ginaduso nga P6.7 trillion budget para sa 2026.
Ini ang gin-anunsyo ni House Speaker Faustino “Bojie” Dy III kadungan sang joint hearing sang House Committee on Agriculture and Food nga ginpamunoan ni Quezon 1st District Representative Mark Enverga kag Committee on Ways and Means nga ginapamunoan ni Marikina City 2nd District Representative Miro Quimbo.
“Aid is ensured for our farmers. The P7,000 cash aid will be given to them to address their losses due to low farmgate prices of palay,” suno kay Dy.
Magluwas sa cash aid, ginpahayag ni Speaker Dy nga naghingyo naman sila kay President Ferdinand Marcos Jr. nga tanan nga subsidies halin sa Department of Agriculture kaangay sang seed subsidy ang ihatag nga cash.
Pahayag ni Dy, madamo sang mga mangunguma ilabi na sa iya probinsya sa Isabela ang nagabaligya sang humay nga yara lang sa P8 kada kilo — tuman ka nubo kun ipaanggid sa P16 tubtob P18 nga kinahanglanon agud makarekober sa gingasto sa produksyon.
