ROXAS CITY – Isa patay isa kritikal matapos bumunggo ang isa ka motorsiklo sa stockpile sa ginakaayo nga karsada sa Cassandra Street, Barangay Punta Tabuc, Roxas City.
Ginkilala ang napatay nga si Felizardo Ariquez, 18 anyos samtang kritikal naman karon sa ospital si Jonathan Lariban, 23 anyos, lunsay mga residente sang Barangay Dinginan, sining siyudad.
Mahibaluan nga padulong kuntani sa city proper ang duha sakay sa motorsiklo nga ginamaneho ni Lariban apang aksidente ini nga nabunggo sa stockpile sa ginakaayo nga dalan sa lugar.
Bangud sa pagkabunggo, tumampilak sa dalan ang mga biktima kag nalampos pa ang ulo ni Ariquez sa semento.
Nag-angkon man sang mga pilas sa lawas ang duha nga gilayon ginrespondihan sang Capiz Emergency Response Team apang wala na nasalbar pa ang backrider nga si Ariquez.
Lunsay yara sa idalom sang impluwensiya sang makahulubog nga ilimnon ang duha sang natabo ang nasambit nga aksidente.
PHOTO FROM WEB
