ROXAS CITY – 1 patay, 1 pilason matapos aksindente nga mabungguan ang ila ginasakyan nga motorsiklo sang gasunod sa ila nga Toyota Hilux nga salakyan sa bahin sang Barangay Bailan banwa sang Pontevedra.
Ginkilala ang mga biktima nga sanday Nelissa Daples Baulite, 42- anyos, residente sang Brgy. Cogon, Panitan, kag Jetjet Dorado Bacero, 23-anyos kag residente sang Brgy. Tincupon, Panitan, Capiz.
Samtang ang driver naman sang Toyota Hilux ang ginkilala kay Maribel Coronado Besana, 44-anyos residente sang Brgy. Agbabadiang sa amu man nga banwa.
Sandig sa nakuha nga impormasyon sang Bombo Radyo nagikan sa Pontevedra PNP, mapauli na kuntani ang duwa ka biktima sakay sang ila motorsiklo sang hinali nalang ginbungguan sang salakyan nga ginamaneho ni Besana nga nagasunod sa ila.
Ginapahayag nagkalaapok ang duwa ka biktima nga gintunaan sang pilas ni Bacero samtang nabali ang tiil ni Baulite kag gintunaan sang iya kamatayon .
Samtang wala naman nag-angkon sang pilas si Besana.
Nagpromisa man ang driver sang salakyan nga magbulig sa iya mga nabiktima kag nagsungka sa kapulisan.
