DUMALAG, CAPIZ – Patay ang isa ka construction worker matapos bumunggo ang iya ginamaneho nga motorsiklo sa stockpile sa Barangay Consolacion, Dumalag, Capiz.
Ginkilala ang biktima kay Renante Exel, 44 anyos, residente sang nasambit man nga lugar.
Sandig sa inisyal nga impormasyon, gikan sa banwa sang Mambusao ang biktima sakay sa iya motorsiklo kaupod ang backrider nga si Jerry Danid, 50 anyos sang Barangay Poblacion, Tapaz.
Mahibaluan nga pauli na kuntani ang biktima apang pag-abot sa nasambit nga lugar, aksidente nga bumunggo sa stockpile sa isa ka irrigation ang motorsiklo sang mga biktima.
Nag-angkon sang patal nga pilas si Exel nga gintunaan sang iya kamatayon.
Gindala pa sa ospital si Exel apang wala na natabangan kag gindeklarar nga dead on arrival.
Samtang padayon naman sa karon nga ginabulong sa ospital ang backrider nga si Danid.
