-- ADVERTISEMENT --
ROXAS CITY – Gin-athag sang lokal nga gobyerno sang banwa sang Dao nga wala na nagapuyo sa Barangay Agtambi sa nasambit nga banwa ang isa sa duha ka panibag-o nga nagpositibo sa COVID-19.
Base sa ginpaguwa nga statement sang Dao Municipal Disaster Risk Reduction and Management Office nga sandig sa ginpatigayon nga contact tracing nagaguwa nga wala na nagapuyo sa nasambit nga barangay ang 34-anyos nga lalaki nga nagpositibo sa COVID-19.
Gindugang pa sang nasambit nga talatapan nga masobra 20-anyos na nga nagpuyo sa siyudad sang Roxas ang nagpositibo nga indibidwal.
Samtang gin-athag man sang lokal nga gobyerno sang Dao nga apat lang ang nagpositibo sa COVID-19 sa nasambit nga Dao.
