ROXAS CITY – Nagpositibo sa coronavirus disease (COVID-19) rapid test ang isa ka Overseas Filipino Worker (OFW) nga kalakip sa mga nag-alabutan nga repatriated OFW’s sa Capiz subong nga adlaw.
Ini ang ginkompirma mismo sa Bombo Radyo ni Capiz Provincial Disaster Risk Reduction and Management Office (PDRRMO) Head Judy Grace Pelaez.
Suno kay Pelaez nga walo ka mga repatriated OFW’s ang nag-abot sa probinsiya subong nga adlaw.
Duwa diri ang residente sang banwa sang Dumarao; 2 sa President Roxas; 1 sa Sigma; 1 sa Ivisan; 1 sa Sapian kag 1 sa Roxas City nga 32 anyos nga babaye nga seafarer nga amo ang nagpositibo sa rapid test.
Ang mga repatriated OFW’s ang nagpalauli na sa ila tagsa ka mga banwa magluwas na lamang sa nag-positibo sa rapid test nga yara sa Roxas Memorial Provincial Hospital, ang Provincial COVID-19 facility kag natalana nga magpaidalom sa real-time polymerase chain reaction (RT-PCR) test.
