π§ππ ππππ¨π, π‘ππ§πππ₯πππ‘ππ¦ – Nasumiter na sang prosecutor sang International Criminal Court (ICC) ang ikaduha nga batch sang ebidensya nga may kaundan sang 139 items batuk kay Former President Rodrigo Duterte nga nagapangatubang sa kaso nga crimes against humanity banugd sa iya nga war on drug campaign.
Sa ginpadala nga dokumento sadtong Mayo 5 ni ICC Prosecutor Karim Khan sa ICC Pre-Trial Chamber 1, ang bag-o nga set sang mga ebidensya ang ginpadala sa defense team ni Duterte sadtong Abril 30, 2025.
Ang nauna nga grupo sang mga ebidensya batuk kay Duterte ang ginsumiter sadtong Marso.
Ginpahayag naman ni Khan nga ang 139 items ang gin-organisar sa 4-disclosure packages, kasubong sang contextual elements, modes of liability sang panahon nga Mayor pa sang Davao City si anay President Duterte kag murder sa idalom sang barangay clearance operations sa tion naman sang iya nga termino sa pagka-presidente.
Suno naman kay ICC-accredited lawyer kag isa sa abogado sang EJK victims nga si Gilbert Andres, ang mga bag-o nga batch sang ebidensya ang nagapakita nga may elemento sang crimes against humanity sa crackdown sang illegal drugs campaign sang Βanay Pangulo.
Ginpahayag ni Andres nga ang mga ebidensya ang nagapakita nga may opisyal nga polisiya sa likod sang mga pagpatay nga una man nga ginpanginwala ni Former President Duterte.
Sa opisyal nga record sang gobyerno, nagaguwa nga masobra sa 6,000 ang napatay sa drug war ni Duterte kag kadam-an diri mga pigado nga suspek nga drug Βusers kag Βdealers, apang sa pag-estimate sang human rights group, ang numero mahimo nga maglab-ot pa sa masobra 30,000.
Natalana naman nga magtambong sa hearing para sa confirmation sang charges si Former President Duterte sa Setyembre 23.
