ROXAS CITY-Ginbawian na sang kabuhi samtang nabulong sa ospital ang 14-anyos nga lalaki matapos ginaalegar nga ginbuno sa isa bilasyonan sa Barangay Bailan, Pontevedra Capiz.
Matandaan nga patal nga pilas sa dughan ang naagkon sang biktima tapos nga ginbuno sang mga suspetsado nga ginkilala nga sanday Ariel Deita 23-anyos residente sang Barangay Ambilay,Panitan Capiz kag Don Mark Estorque sang Barangay Sinabsaban, Cuartero Capiz.
Matandaan basi sa imbestigasyon sang Pontevedra Municipal Police Station ginaalegar nga samtang nagahampang ang mga ini hinali na lamang nga nag-angkon sang komosyon sa tunga sang biktima kag mga suspek rason nga ginbuno ni Deita ang amo nga menor de edad nga naigo naman sa dughan.
Nahibaluan nga nagtambag pa si Rey Estorque 36-anyos sang Barangay Sinabsaban,Cuartero Capiz matapos nga nakita sini nga ginadumog ang iya pakaisa, gilayon niya ini ginpatindog apang nabun-an man ini ni Don Mark rason nga nag-angkon ini sang pilas sa kilid sang tiyan nga padayon nga nabulong sa ospital.
Sa karon nakahunong sa karsel si Deita samtang si Don Mark man ang nagapabilin nga at-large.
