14 ka mga indibidwal,  patay sa malapnagon nga pagbaha sa Gaza

Naglab-ot na sa 14 ka tawo ang napatay sa halit sang bagyo Byron sa Gaza sa sulod sang 24 oras.

Kalakip sa mga napatay amo ang tatlo ka mga kabataan nga napatay bangud sa hypothermia ukon tuman nga katugnaw.

Bangud sang nasambit nga bagyo, temporaryo nga gin-evacuate ang mga tawo nga nagapuyo sa mga tents kag shelter bangud sa nagataas nga tubig baha.

Ginabulubanta nga 13 ka mga puluy-an kag mga building ang narumpag kag 27,000 ka mga tolda ang ginbaha.

Suno sa United Nation International Organization for Migrations, ginakahadlukan nga ginabanta 800,000 ka mga pumuluyo sang Gaza ang maapektuhan.

Nagpanawagan man ang ahensya sa iban nga pungsod para sa gilayon nga bulig bangud sa nasambit nga pagbaha.