ROXAS CITY – Ginatutukan sang mga katapo sang Capiz Police Provincial Office (CPPO) ang 6 ka mga kabanwahan nga makabig areas of concern ilabi na nagahilapit na ang Barangay kag SK Elections.
Sa interview sang Bombo Radyo kay PMaj. Ruby Magallanes, PIO sang CPPO suno diri ang banwa sang Tapaz, Jamindan, Sigma, Pilar, Dumalag kag Mambusao ang makabig yara sa orange category ukon mga banwa nga may na-monitoran nga may presensya sang ginapatihan Communist Party of the Philippines-New People’s Army-National Democratic Front (CPP-NPA-NDF).
Sa nasambit nga mga banwa, 15 tanan ka barangay ang ginabantayan sang kapulisan agud mapatuman ang fair kag honest nga elections.
Mahibaluan ginpahamtang sa orange category ang isa ka banwa ilabi na may yara sang pagpamahog sa seguridad sang lugar.
