16 ka mga indibidwal, patay sa sunog sa pabrika sang tela sa Bangladesh

Naglab-ot na sa 16 ka tawo ang napatay matapos nga nagluntad ang sunog sa isa ka pabrika sang tela sa Bangladesh.

Ang mga natukiban nga bangkay ang ipaidalom sa DNA testing bangud halos indi na sila makilala sa pagkasunog.

Nagtipon ang mga himata sang mga biktima sa atubang sang nasunog nga apat ka panalgan nga building sa banwa sang Mirpur sa Dhaka region.

Kapin sa tatlo ka oras antes napalong sang mga bombero ang kalayo nga naglamon man sa kaiping nga bodega sang kemikal.

Padayon naman ang imbestigasyon sang mga otoridad sa nasambit nga insidente.