ROXAS CITY – Naglab-ot na sa 2, 400 ka mga mangunguma ang nagdangop sa Philippine Crop Insurance Corporation bangud sa epekto sang tuman nga init nga panahon sa ila mga ulumhan.
Sa interview sang Bombo Radyo Roxas kay PCIC – Provincial Extension Office Head Melvin Vego, ginpahayag sini nga padayon ang ila nga kampanya sa mga mangunguma sa probinsiya nga magpa-insured sa ahensiya agud makabaton sang nagakaigo nga bulig bangud sa epekto sang tag-ilinit.
Suno kay Vego nga sa 2, 400 ka mga mangunguma nga nagdangop sa ila talatapan, 14 pa lamang diri ang nakabaton sang bulig gikan sa ahensiya.
Masobra P90, 000 pa lamang ang ila napaguha nga pinansiyal nga bulig sa kabug-usan nga 11.25 hectares nga ulumhan sang mga apektado nga mangunguma.
Gin-athag man ni Vego nga ang mga mangunguma lamang nga naka-insured ang kwalipikado nga makabaton sang nagakaigo nga bulig gikan sa ahensiya.
