Liwat nga nagbukas sang floodway gate ang duha ka dako nga dam sa Northern Luzon bangud sa padayon nga pag-ulan.
Sandig sa report sang Hydrology Division sang Department of Science and Technology, nagsugod sang magpakawala sang tubig ang Magat dam kag Binga dam kaina sang aga.
Sa Binga dam, bukas ang isa ka gate sini kag nagpakawala sang kabug-usan nga 38 cubic meter per second sang tubig.
Sa Magat dam naman, una nga ginbuksan ang floodway gate sini kag nagpakawala sang 181 CMS sang tubig apang tayuyon man nga gintaas sa 411 CMS bangud sa padayon nga mabusok nga pag-ulan.
Sa karon, padayon sa gihapon ang mabunok nga pag-ulan sa mga tributaryo sang nasambit nga dam kag ginalauman nga magapadayon man ang pagpakawala sang tubig sa mga ini.
Apektado sang shearline ang Northern Luzon nga nagatuga sang padayog kag mabunok nga pag-ulan.
