ROXAS CITY – Nagapabilin nga ginabulong sa isa ka ospital sa syudad sang Roxas ang duha ka mga biktima matapos nga gin-igo sang bala sang armas luthang sa banwa sang Jamindan, Capiz.
Ginkilala ang mga biktima nga sanday Milagros Casabon, 70 anyos kag Rosemarie Gardose, 35 anyos kag lunsay mga residente sang Barangay Sto. Rosario sang nasambit nga banwa.
Sandig sa inisyal nga imbestigasyon sang Jamindan Municipal Police Station, nagkadto ang suspek nga si Alden Gardose, 40-anyos sa iya pakaisa rason nga nagresulta sang pagbinaisay tubtob nga gintayaan niya ini sang homemade 12 gauge shotgun.
Bangud sa pagtambag sang nasambit nga mga biktima, naigo sa guya si Casabon samtang pilas naman sa natuo nga butkon kag abaga ang naangkon ni Gardose.
Padayon naman ang hot pursuit operation sang mga kapulisan sa nakapalagyo nga suspek.
