ROXAS CITY – Ginreklamo sang isa ka negosyante ang duha ka mga lalaki nga ginaalegar nagpangharass kag nagpamahog sa isa ka construction site sa Barangay Gabuan, sining syudad.
Ba-se sa reklamo ni Renante Dezcalzo 42-anyos sang Oakwood Subdivision, Barangay Mongpong, Roxas City nagpangharass kag nagpanghaboy sang bato sanday James Lasay 32-anyos kag Romnick Solitano 31-anyos, lunsay mga residente sang Pasay City sa construction site sa Barangay Gabuan nga ginapanag-iyahan ni Ma. Soledad.
Apang nahibaluan nga nagparekord ang duha sa Panay Police Station kag nag-alegar nga gindetain sila sa construction site.
Samtang nagaguha sa impormasyon nga nadula ang grinder sa construction site kag ginaalegar nga ginkuha sang duha ka nahinambitan nga mga lalaki.
