Arestado ang duwa ka lalaki nga ginakabig street level individual (SLI) sa ginkasa nga drug buy bust operation sa Barangay Poblacion Proper, Mambusao Capiz.
Ginkilala ang mga nadakpan kay alyas “John”, 32-anyos kag residente sang Poblacion Tabuc, Mambusao Capiz kag alyas “Vincent” 40-anyos kag residente naman sang Poblacion Proper sa nasambit nga banwa.
Sa nakuha nga impormasyon sang Bombo Radyo nagikan sa Mambusao MPS, ginpahayag nga madugay na nga ginamonitor ang isa sa subject person nga si alyas “John” kag natigayon nga madakpan pinaagi sa isa ka pulis nga nagpakuno-kuno nga pusuer buyer.
Narekober sa mga arestado ang tatlo (3) tanan ka sachet sang ginapatihan shabu nga may kabug-aton nga 8 ka gramo kag may standard drug price nga P54,400 kag P2,500 nga buybust money.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nasambit nga nadakpan.
Sa karun, yara na sa paghinakop sang mambusao MPS ang nadakpan para sa nagakaigo nga disposisyon.
