ROXAS CITY – Yara na sa kostodiya sang City Social Welfare and Development Office (CSWD) ang duha ka mga menor de edad nga nadakpan nga yara sa sulod sang isa ka balay sa Barangay Cagay, sining syudad.
Ginkakibot ni Mrs. Sharon Valles sang mabugtawan nga yara na sa ila balay ang duha ka mga solterito.
Nakabugtaw ang ginang matapos nga nabatian nga ginaguba ang ila nga pirtahan.
Sa pagtsekyar ni Valles, nakibot ini sang makita ang duha sa diin sang iya ini ginkumpronta, ila ginsiling nga ginapangita nila si Justine.
Apang ginpahayag sang ginang nga wala sang Justine nga naga-estar sa ila balay kag wala ini sang kilala nga Justine.
Bangud nagduda ang tagreklamo nga may malain nga plano ang duha, nagpangayo na ini sang bulig sa ila mga kaingud balay nga gilayon man nagresponde kalakip ang mga CVO.
Sa pagpangusisa nagaguwa nga residente sang Barangay Milibli ang isa samtang taga Burgos St., naman ang isa ka menor de edad.
