2 ka mga drug suspek nga nadakpan sa drug buybust operation natalana nga pasakaan sang panumbungon

ROXAS CITY – Natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002 ang duha ka mga drug suspects matapos nga nadakpan sa ginkasa nga drug buybust operation sa Barangay Culasi, Roxas City.

Ginkilala ang mga arestado nga sanday Jhem Boy Bacud, 18-anyos residente sang Barangay Libas kag John Kevin Barlas, 28-anyos sang Barangay Culasi sining siyudad.

Narekober sa posesyon sang mga arestado ang apat tanan ka sachets sang mga ginapatihan nga shabu, P500 nga marked money kag mga drug paraphernalia’s.

Sa karon, nakahunong na sa karsel sang Roxas City Police Station ang nasambit nga mga arestado.