ROXAS CITY – Padayon nga ginabulong sa Mambusao District Hospital ang duha ka mga persona nga naaksidente sa ginasakyan nga motorsiklo sa national highway sang Barangay Poblacion Tabuc, banwa sang Mambusao.
Matandaan nga ginkilala ang mga biktima nga sanday Jelbert Lerona Marquez, 32-anyos, driver sang Rusi Macho TC 175, kag angkas sini nga si Jolen Jhun Villareal Galigao, 28-anyos, nga lunsay mga residente sang Brgy. Sto, Rosario, banwa sang Jamindan.
Nahibaluan nga ba-se sa imbestigasyon sang mga katapo sang Mambusao MPS, samtang ginasubay sang driver ang amu nga dalanon padulong sa Mambusao proper, hinali nga bumunggo sa center island ang ila motorsiklo.
Bangud diri, nag-angkon sang magkatuhay nga pilas sa ila lawas ang duha ka mga persona.
Ginpahayag nga nagikan sa isa ka inuman ang duha ka mga persona sa Brgy. Atiplo sa amu nga banwa, kag nagapapuli na kuntani sang natabo ang aksidente.
