Pilas ang naangkon sang duwa ka mga persona matapos maaksidente sa ginasakyan nga motorsiklo sa Barangay Poblacion, Dumalag, Capiz
Ang biktima amo si alyas “Michael” 29-anyos kag residente sang Barangay Poblacion, Dumalag Capiz, samtang ang driver suspek naman ang ginkilala kay alyas “Angelo” 32-anyos residente sang San Miguel sa amu man nga banwa.
Sa impormasyon nga nakuha sang Bombo Radyo nagikan sa Dumalag Mps, ginpahayag nga samtang ginasubay sang biktima ang dalanon gikan sa Brgy.Santa Cruz padulong kun tani sa Brgy. Poblacion sang hinali nalang ini nga na side swipe sang driver suspek nga naga sunod man sa pareho nga direksyon, kabangdanan nga nasag-iran sini ang motorsiklo sang biktima.
Nag-angkon sang pilas sa nagkalain lain nga parte sang lawas ang magtimbang nga bahin nga madasig naman nga ginpadangat sa hospital.
Sa karon, yara na sa estable nga kondisyon ang duwa kag yara naman sa kustodiya sang Dumalag Mps ang mga imbolbado nga bihekulo.
