ROXAS CITY – Hugot nga ginapamatukan sang Simbahan Katolika sa banwa sang Panit-an Capiz ang plano sang provincial government nga himoon nga sanitary landfill ang isa ka area sa Barangay Timpas, Panit-an.
Sa exclusive interview sang Bombo Radyo Roxas kay Father Ronnie Bañas, kura paroko sang St. Lawrence the Deacon parish, ginpahayag sini nga indi sila pabor nga himoon nga halabuyan sang basura ang ila nga banwa.
Aminado si Father Bañas nga concern lamang ini sa malain nga epekto sang landfill, sa ikaayong lawas sang mga pumuluyo rason nga ila nadesisyunan nga maghimo sang manifesto ukon petisyon para mabasa sang mga Panit-ananon ang posible matabo kun madayon ang plano sang gobyerno.
Suno pa diri nga target nila ang 30,000 ka pirma sang mga pumuluyo sa bug-os nga banw asang Panit-an kag pagkatapos sini ila ipadala ang manifesto sa Office of the Governor, social action center kag Department of Environment and Natural Resources (DENR).
