ROXAS CITY – Patay ang driver kag backrider sang motorsiklo sang magbunggu-anay sila sang trak sa national highway sa Barangay Manhoy, Dao, Capiz.
Dead on arrival sang mag-abot sa Senator Gerardo Roxas District hospital sa banwa sang Dao ang driver sang motorsiklo nga ginkilala kay Ariel Pelobello 42-anyos sang Janiuay, Iloilo kag ang backrider nga si Nerissa Atayde 25-anyos sang Barangay Libas, Roxas City.
Ba-se sa panaysayon sang driver sang trak nga si Eugene Manong 35-anyos sang Barangay Quinayuya, Dao, Capiz nasugata sang ginamaneho nga trak nga nagakarga sang palay ang naga ekis ekis na nga motorsiklo nga ginasakyan sang mga biktima.
Gintingwaan pa ni Manong nga likawan ang motorsiklo, apang nasangit ini sa trak rason nga natumba kag nalapakan sang goma ang ulo sang mga biktima.
Samtang boluntaryo naman nga nagsungka sa Dao PNP ang driver sang trak matapos ang aksidente.
