2 sa 3 ka mga persona nga nadakpan nga may dala nga armas luthang kag hinganiban, napasakaan na sang kaso

ROXAS CITY – Napasakaan na sang kaso ang 2 sa 3 ka mga persona nga arestado matapos nga makuhaan sang armas luthang sa Barangay Agambulong banwa sang Jamindan.

Ginkilala ang mga arestado nga sanday John Paul Isidoro Atanacio, 27-anyos kag ang mag – amay nga sanday Vicente Vasquez, 50 kag wala na ginhingadlan nga menor de edad nga lunsay mga residente sang nasambit nga lugar.

Suno sa impormasyon nga nakuha sa Jamindan MPS, samtang nagapatrolya ang mga kapulisan nakit an sang mga ini ang 3 ka persona nga may dala nga mga armas luthang.

Nahibaluan nga narekober sa mag-amay ang isa ka unit sang caliber .45 nga may anum ka bala kag .38 revolver nga may duwa ka bala samtang, nakuha sa posesyon ni Atanacio ang isa ka hinganiban.

Kaso nga paglapas sa Republic Act No. 10591 ukon The Comprehensive Firearms and Ammunition Regulation Act ang paga-atubangon ni Vasquez samtang Batas Pambansa Bilang 6 naman ang paga-atubangon ni Atanacio.

Sa karon, nagapabilin sanday Vasquez kag Atanacio sa karsel sang Jamindan Municipal Police Station.