ROXAS CITY – Pilason ang 20-anyos nga lalaki matapos nga ginbuno sa isa ka burger station sa Poblacion, Sapian, Capiz.
Ginkilala ang biktima kay Vimar Gregorio, sang Barangay Oyong, banwa sang Sigma.
Samtang, ang mga suspetsado ang ginkilala kay Dinmark Joi Basan 25-anyos kag Janbee Basan 22-anyos nga lunsay residente sa nasambit nga barangay sa banwa sang Sapian.
Sandig sa impormasyon nagikan sa mga katapo sang Sapian MPS, alas-11 kagab-i sang Martes sang nagakaon sang burger ang biktima kaupod ang iya amay nga si Vicente Gregorio kag pakaisa nga si Daryl Leonico, sang nag-abot ang mag-utod nga suspek nga lunsay hubog kag ginapahayag nga ginbuyayaw ang biktima.
Hinali nalang nga nagbunot sang isa ka sahi sang matalum nga bagay si Dinmark kag ginbuno si Vimar sa iya natuo nga bahin sang likod.
Madasig nga nalagyo ang mga suspek apang natigayon nga madakpan si Janbee, sa ginpatigayon nga hot pursuit operation sang mga kapulisan.
Ginpadangat man sa Mambusao District Hospital ang biktima kag padayon sa karon nga ginabulong.
Samtang, ang isa pa ka suspek ang padayon nga ginaayam sang otoridad.
