-- ADVERTISEMENT --
ROXAS CITY – Nakahunong na sa karsel sang Pontevedra Municipal Police Station ang isa ka 20-anyos nga lalaki matapos nga ginaalegar nagtuga sang kinagamo sa Barangay Binuntucan, Pontevedra, Capiz.
Ginkilala ang arestado nga si Jemy Boy Agres sang nasambit nga lugar.
Base sa inisyal nga imbestigasyon sang Pontevedra PNP nga samtang nagainom ang suspek kaupod sanday Jennifer Agres 36-anyos, Alvin Bacera, Marilou Bacera nga lunsay mga residente sang nasambit nga barangay sang hinali na lamang nga nag-angkon sang indi paig-intiendihanay sa tunga sang nasambit nga mga persona.
Ginapahayag nga ginkagat pa ni Agres ang kamot ni Marilou.
Bangud diri, ginpakamaayo na lamang nga ipakustodiya sa pulisya ang nasambit nga suspek.
-- ADVERTISEMENT --
