21-anyos nga lalaki arestado, matapos makuhaan sang iligal nga armas sa barangay checkpoint sa Roxas City

Arestado ang 21-anyos nga lalaki matapos makuhaan sang iligal nga armas sa barangay checkpoint sa Barangay San Jose, Roxas City.

Ang suspek amo si alyas Jay kag residente sang Barangay Yabton, Ivisan, Capiz.

Sandig sa report nga nakuha sang Bombo Radyo sa Roxas Component City Police Station, nakuha sa paghinakop sang nasambit nga indibidwal ang homemade .38 caliber revolver kag apat ka bala.

Nahibaluan nga ginpangayuan ini sang papeles apang wala ini sang may napakita rason nga gindala ini sa istasyon sang kapulisan.

Sa subong, nakahunong na sa presohan ang suspek kag magapangatubang sang kaso nga paglapas sa Republic Act 10591 ukon Comprehensive Firearms and Ammunition Regulation Act.