ROXAS CITY – Nagparekord sa Roxas City Police Station ang 22 anyos nga lalaki matapos ginaalegar ginsakit sa iya gina-estaran nga apartment sa Barangay Tanque, Roxas City.
Ang tagreklamo amo si Marvin Villanueva, residente sang banwa sang Jamindan.
Base sa reklamo ni Villanueva, samtang siya ang nagahampang sang cellphone sa iya apartment, nag-abot ang suspek nga si Jomarie Arceño sang Barangay Punta Tabuc kaupod ang isa pa ka persona.
Diri kag ginaalegar hinali na lamang siya nga ginsipa kag ginsumbag ni Arceño kag mangin ang kaupod sini ang nagbulig man.
Posible suno kay Villanueva nga naakig sa iya si Arceño bangud naghalin siya sang kwarto nga wala naglaong.
Apang panindugan sini nga ginpahibalo niya man ang hinablos sang ila nga landlord sa iya nga pagsaylo.
Matapos ang insidente, ginpakamaayo na lamang ni Villanueva nga magpadulong sa pulisya kag iparekord ang natabo.
