ROXAS CITY-Natalana nga ipaidalom sa Real-Time Polymerase Chain Reaction test ukon RT-PCR test ang 23 ka mga indibidwal nga naka-close contact sa tatlo ka mga nagpositibo sa COVID-19 sa Sitio Sakop, Barangay Culasi, Roxas City.
Ini ang ginpahayag ni City Disaster Risk Reduction and Management Office Head Dennis Saneo sang mainterview sang Bombo Radyo.
Ginpahayag ni Saneo nga gilayon nga ginpaidalom sa rapid test ang 25 ka mga indibidwal nga naka-close contact sang tatlo ka mga nagpositibo sa COVID-19 kun sa diin 5 diri ang nagpositibo sa nasambit nga test kag gindala na sa quaratine facility.
May yara man sang duha sa 25 ang nag-negatibo naman sa RT-PCR test samtang 23 paang natalana nga ipaidalom sa maabot nga lunes.
Ginpasalig naman ni Saneo nga yara sa hilway nga kondisyon kag wala sang may ginabatyag nga sintomas ang mga naka- close contact sang mga nagpositibo.
Dugang pa ni Saneo nga kalabanan sa mga naka-close contact nga mag indbidwal amo ang mga malapit nga mga himata sang mga nagpositibo.
Magluwas diri ginpaidalom man ang mga Barangay Tanod sa rapid test apang lunsay nagnegatibo man ang ila resulta.
Samatang gin-athag ni Saneo ang nagalapta nga alegasyon nga nakalagaw ang apo sang napatay nga COVID-19 patient sa Barangay Lanot, Roxas City.
Suno kay Saneo nga wala sang kamatuoran ang nagalagaw nga alegasyon bangud sa ila nga pag tsekyar, wala man nakalagaw ang nasambit nga apo.
