ROXAS CITY – Ginserbehan sang mandamiento de aresto ang 25-anyos nga babayi sang gintingob nga pwersa sang PNPDEG, SOU-6, CPIU, PDEU, kag Roxas City PNP sa Kilometer 2, Barangay Lawaan, Roxas City subong nga gab-i.
Ginkilala ang arestado kay Jhovelene De Lemos Ungab alias Abbie Gaile Lopez De Lemos, residente sang nasambit nga Barangay.
Nagapangatubang sa kaso nga paglapas sa Section 7, 11, 12, kag 15 Article 2 sang RA 9165 ang suspetsado.
Ang warrant ang gin-isyu ni Hon. Esperanza Isabel E. Poco Deslate, Presiding Judge sang RTC 6, Branch 19, Roxas City, Capiz napetsahan Setyembre 5, 2022.
Mahibaluan una na nga nadakpan sa buybust operation si Ungab sadtong 2018 kag natigayon nga makaguwa sang 2019 pinaagi sa plea bargaining.
Yara sa karon sa kustodiya sang Roxas City Police station ang arestado.
