25-anyos nga helper nagreklamo sa pulisya matapos nga gin-akusaran nga kawatan

ROXAS CITY – Nagpa-blotter sa Roxas City PNP ang isa ka 25-anyos nga karinderya helper matapos nga gin-akusaran nga kawatan sang iya kaugalingon nga boardmate sa Mabini Street, Barangay Inzo Arnaldo, Roxas City.

Ginkilala ang tagreklamo kay Rey Jay Lago sa diin ginaalegar nga samtang nagakatulog ini sa iya kwarto sa iya boarding house sang hinali na lamang nga nagpanuktok ang boardmate sini nga si alyas Pani kag ginareklamo nga nadula ang cellphone sini.

Bangud diri, ginpahog ni alyas Pani ang tagreklamo nga pasakaan ini sang panumbungon.

Ginpakamaayo na lamang sang tagreklamo nga ipa-rekord sa pulisya ang insidente.