26 anyos nga lalaki, natiplang kag nakuhaan sang P23K nga cash sang isa ka agi

ROXAS CITY – Kapin P23, 000 ang nataban sang isa ka agi sa isa ka persona nga nagainom sa isa ka 24/7 convenient store sa Roxas City.

Suno sa biktima nga si Macky Acuyado, 26 anyos sang Barangay Poblacion Norte, Ivisan, nagpalapit sa iya ang wala makilala nga agi kag gin-estorya siya.

Lipod sa ihibalo sang biktima nga samtang gina-estorya ini sang suspek, amat-amat man nga ginakuha ang iya nga kahita.

Suno sa biktima nga ulihi na sini natalupangdan nga wala na ang iya kahita nga may unod nga P23, 000 nga cash.

Suno sa biktima nga igabayad kuntani sini ang kwarta para sa iya ginkuha nga motorsiklo.

Samtang nahibaluan sa pagpangusisa sang Bombo Radyo nga ang nasambit nga agi ang ginkilala kay alyas J4.