3-day INC rally, gintapos na sa ikaduha nga adlaw

Gintapos na sang Iglesia Ni Cristo (INC) ang kinaandan nga tatlo ka adlaw nga rally kontra korapsyon sa Quirino Grandstand sa ikaduha nga adlaw.

Suno kay INC spokesperson Edwil Zabala, ginpakamaayo nila nga tapuson ini sa ikaduha nga adlaw bangud nalab-ot na nila ang ila tinutuyo nga panawagan sang hustisya kag accountability.

Ginabulubanta sang Manila Disaster Risk Reduction and Management Office nga sa ikaduha nga adlaw sang rally ang magatambong sa 550,000 ka tawo.

Mas manubo ang nasambit nga numero kon ipaanggid sa una nga adlaw nga nagtambong ang 650,000 ka tawo.

Ginakabig man sang Department of the Interior and Local Government (DILG) nga matawhay ang kabilugan nga pagpatigayon sang rally.